La belle Vénus un jour
M'amena son fils Amour ;
Et l'amemant me vint dire :
« Escoute, mon cher RONSARD,
Enseigne à mon enfant l'art
De bien jouer de la lyre. »

Ainsi, pauvre qu j'estois,
Tout mon art je recordois
A cet enfant pour l'apprendre :
Mais luy, comme un faux garson,
Se moquoit de ma chanson,
Et ne la vouloit entendre.

« Pauvre sot, » ce me dit-il,
« Tu ne penses bien subtil !
Mais tu as la teste fole
D'oser t'égaler à moy,
Qui jeune en sçay plus que toy,
Ny que ceux de ton escole. »

Et alors il me sourit
Et en me flattant m'apprit
Tous les œuvres de sa mère,
Et comme, pour trop aimer,
Il avoit fait transformer
En cent figures son père.

Il me dit tous ses attraits,
Tous ses jeux, et de quels traits
Il blesse les fantaisies
Et des hommes et des dieux,
Tous ses tourmens gracieux
Et toutes ses jalousies.

Et me les disant alors
J'oubliai tous les accors
De ma lyre desdaignée,
Pour retenir en leur lieu
L'autre chanson que c