Je te supplye Amour, arreste ma guerriere
Qui fuit si vistement : car helas je ne puis
Ma course est trop tardive et plus je la poursuis
Et plus elle s’avance en me laissant derriere.

Au moins fay l’un des deux : exauce ma priere
Ou ne me laisse plus en l’estat que je suis :
Ren moy comme j’estois, privé de tous ennuis
Et me retourne encor ma liberté premiere.

Si tu es juste, Amour, tu me dois deslier
Ou tu dois pour mon bien ceste dure plier.
Mais las ! que mon attente est veine et miserable,

[Je prie un fier tyran ] qui de noz maux se plait,
Qui s’abreuve de pleurs qui d’ennuis se repaist
Et plus il est prié moins il est pitoyable.