Et quoy ? tu fuis Amour ? dis-tu pas : et pourquoy ? 
Et n’est-ce pas celui qui règne et qui domine 
Bravement par dessus ce[t]te ronde machine 
Et qui tient tout le monde esclave sous sa loy ? 

Est-il Prince qui vive, Empereur, ny grand Roy 
Qui dessous son pouvoir humblement ne s’encline ? 
Et tu dis que ton cœur obstiné détermine 
De fuir cet amour, le chassant loing de toy. 

Contre toy, contre amour, feras-tu la rebelle ? 
Tu n’es mesme qu’amour, et l’amour je t’appelle : 
Il se campe, il se sied dedans toy ce vainqueur. 

Helas ! je le sçay bien, je l’ay veu en ta face 
Décocher mille iraicts de tes yeux en mon cœur : 
Et quoy le voudrois-tu déloger de sa place ?