Amour, dy moy de grace, [(ainsi des bas humains,
Et des dieux soit tousjours l'empire entre tes mains)]1
  Qui te fournist de fleches,
Veu que tousjours [armé]2 en mill' et mille lieus,
Tu perds tes traitz ès coeurs des hommes et des Dieus
  Empennez de flammeches?

Mais je te pry dy moy, est-ce point le Dieu Mars,
Quand il revient chargé [des armes]3 des soudars
  Occis à la bataille?
Ou bien si c'est Vulcan qui dedans ses fourneaus
(Apres les tiens perduz) t'en refaict des nouveaus,
  Et [en don te les baille?]4

Pauvret (respond Amour), et quoy ignores tu,
[(O gentil serviteur!) la puissante]5 vertu
  Des beaus yeus de t'amie?
Plus je repens [mes]6 traitz sur hommes et sur Dieus,
Et plus en un moment [me]7 fournissement les yeus
  De ta belle Marie.