Va t'en mon cuer, jour et nuitie,
Avance toy, je te supplie,
Sans tenir voye ne sentier,
Devers mon bien, que tant ay chier,
Et luy compte ma maladie.

Tu sces que je ne me faings mye,
Toute lyesse m'est fallie;
Pour ce te pry, sains atargier:
  Va t'en mon cuer, jour et nuitie,
  [Avance toy, je te supplie,
  Sans tenir voye ne sentier.]

Remonstre luy de ta partie
Qu'il n'a en toy part ne moictie,
Mais que tu es sien tout entier.
S'il ne veult ma payne allegier.
Mort suy; pour ce je te supplie:

  Va t'en mon cuer, jour et nuitie,
  [Avance toy, je te supplie,
  Sans tenir voye ne sentier,
  Devers mon bien, que tant ay chier,
  Et luy compte ma maladie.]