Magnus Dominus et laudabilis nimis
Language: Latin
1 Psalmus cantici. Filiis Core, secunda sabbati. 2 Magnus Dominus et laudabilis nimis, in civitate Dei nostri, in monte sancto ejus. 3 Fundatur exsultatione universæ terræ mons Sion; latera aquilonis, civitas regis magni. 4 Deus in domibus ejus cognoscetur cum suscipiet eam. 5 Quoniam ecce reges terrae congregati sunt; convenerunt in unum. 6 Ipsi videntes, sic admirati sunt, conturbati sunt, commoti sunt. 7 Tremor apprehendit eos; ibi dolores ut parturientis: 8 in spiritu vehementi conteres naves Tharsis. 9 Sicut audivimus, sic vidimus, in civitate Domini virtutum, in civitate Dei nostri: Deus fundavit eam in æternum. 10 Suscepimus, Deus, misericordiam tuam in medio templi tui. 11 Secundum nomen tuum, Deus, sic et laus tua in fines terræ; justitia plena est dextera tua. 12 Lætetur mons Sion, et exsultent filiae Judæ, propter judicia tua, Domine. 13 Circumdate Sion, et complectimini eam; narrate in turribus ejus. 14 Ponite corda vestra in virtute ejus, et distribuite domos ejus, ut enarretis in progenie altera. 15 Quoniam hic est Deus, Deus noster in æternum, et in sæculum sæculi: ipse reget nos in sæcula.
About the headline (FAQ)
Authorship:
- by Bible or other Sacred Texts , "Psalmus 47" [author's text checked 1 time against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Jean-Joseph Cassanéa de Mondonville (1711 - 1772), "Magnus Dominus", first performed 1734 [sung text checked 1 time]
Available translations, adaptations or excerpts, and transliterations (if applicable):
- FRE French (Français) (Louis Segond) , "Psaume 48"
Researcher for this page: Guy Laffaille [Guest Editor]
This text was added to the website: 2020-02-08
Line count: 32
Word count: 177