by Meinrad Lienert (1865 - 1933)

D'Wält im Mai
Language: Swiss German (Schwizerdütsch) 
's heisst, d'Ärde syg äs Chummertal.
Was saist jetz du, o Nachtigal,
Wo 's üb'rei fot a blüöhe?
Wo 's Müggli tanzt um Hus und Stall ?
Wo jedem chlyne Maiteli
Fönd d'Bäggli afo trüöe.
Se red's du, Lärch im Morgerot,
Wie Tags dr Himel offe stoht,
As alls gseht z'mitzt driine.
Und wien 'r 's himlisch Liecht nu lot,
Dur d'Stärneli wie dur n'es Sib,
Au Nachts uf d'Ärde schyne.
Und jetz red du, o Härz im Mai!
Las' d'Juzer los! Bist nüd älei;
Äs Echo git's zentume,
Vo jedem Schybli chunt's dr hei.
Jeddwedes Ohreglänggeli
Git's wien äs Glöggli ume.

Authorship

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)


Researcher for this text: Harry Joelson

This text was added to the website: 2007-09-19
Line count: 18
Word count: 102