Schwyzer Liedli , opus 10

's Land lyt im ne rote Rauch.
Adie, liebi Sunne!
Luogt äs Stärnli üb're Rai :
Mein schiergar, bi nu ällei! --
's spiegled si im Brunne.
Luogt äs Äugli wie verschmäukt
Hind'rem Schybli vüre.
Gseht das Stärnli dobe stob.
Stärnli beit, änandreno
Chunt 'r mer vor d'Türe!
Nie goht 's Herrgotts Sunne uf,
Ist nie abegange,
Ohni as zwei trüi Härz,
Ärde- oder himelwärts
Ufenand tüönd plange.

Wie schöin isch vorem Hüsli z'gruobe,
Wän's üb'rei fot a dimm're.
Wän jedes Hälmli will vertnucke,
Und d'Bäum fönd afo zämerucke.
Wänn alls änand're, wyt und breit,
Se schloff dä wohl! und Adie sait.

Wän hinder alle Bärge ufe
Guotwetterwülchli chömed,
Und tüönd die rote Fähndli rohde,
As d'Güntli z'räuke chönd im Bode,
Und 's Fröschli sait: Es wird mi Schy
Det obe Fahneschwinged sy!

Wän ßeserherrged goht dur Weide
Mit sym Wychwasserweddel.
Und täueled uf's Rosechnöpfli,
Uf's nötigst Gresli au äs Tröpfli,
Wän 's Obedstärnli rüöbig trait
's Latärnli us dr Ebigkeit.

Rädli, Rädli gumpp und tanz!
's ist vorusse heiterglanz;
d' Buobe chönd gah braige.

Öb's nu ghörig nachtid hüt,
hangid s'scho am Pfeisterbritt,
wien äs Ghüti Flaige.

Hangid s'a dr Stägebrugg
wien ä Jmd im Hochsigflug.
Wäris gäre dinne.

Ätti wott s'nid inela,
müöß zerst sibe Hämmli ha;
söll nu weidli spinne.

Rädli, Rädli gumpp und tanz!
Dusse stoht dr Karlifranz
mit em Schwäbelpfyffli.

Chan all Gaierler und Tänz,
ist au sust voll Sprüng und Pflänz
wien äs Wäberschiffli.

Eä, wär er au my Ma!
Plangelauf ufs Hochsigha.
Är ist gar frÿgfräite.

Wän's a ihm nu nid vertleidt!
Sait, äs gang än Ebigkeit;
mög mi nid erbeite.

Rädli, Rädli gumpp und tanz!
's ist vorusse heiterglanz.
D'Buobe sind ums Mürli.

Wäni sibe Hämmli ha,
müönd allsäme Rigel la
bis is Guggegürli.

Und hüt bin i g'gräched
 . . . . . . . . . .

— The rest of this text is not
currently in the database but will be
added as soon as we obtain it. —

's heisst, d'Ärde syg äs Chummertal.
Was saist jetz du, o Nachtigal,
Wo 's üb'rei fot a blüöhe?
Wo 's Müggli tanzt um Hus und Stall ?
Wo jedem chlyne Maiteli
Fönd d'Bäggli afo trüöe.
Se red's du, Lärch im Morgerot,
Wie Tags dr Himel offe stoht,
As alls gseht z'mitzt driine.
Und wien 'r 's himlisch Liecht nu lot,
Dur d'Stärneli wie dur n'es Sib,
Au Nachts uf d'Ärde schyne.
Und jetz red du, o Härz im Mai!
Las' d'Juzer los! Bist nüd älei;
Äs Echo git's zentume,
Vo jedem Schybli chunt's dr hei.
Jeddwedes Ohreglänggeli
Git's wien äs Glöggli ume.

I Wald bini g'gange,
und's Gspüsli bi mir.
Mer hend welle laube,
und 's Laub ist nüd dür.
Mer hend welle beerne,
kei Beeri sind do.
Jetz säg au, Marieli,
was wemmer afo?

Flingg han ä si g'halsed
und ghärzt um und um.
's Marieli hät glached:
was frogst dä so dumm?

— This text is not currently
in the database but will be added
as soon as we obtain it. —