by Robert Burns (1759 - 1796)

O, wha my babie‑clouts will buy?
Language: Scottish (Scots) 
O Wha my babie-clouts will buy,
O Wha will tent me when I cry;
Wha will kiss me where I lie,
The rantin dog the daddie o't.

O Wha will own he did the faut,
O Wha will buy the groanin maut,
O Wha will tell me how to ca 't,
The rantin dog the daddie o't.

When I mount the Creepie-chair,
Wha will sit beside me there,
Gie me Rob, I'll seek nae mair,
The rantin dog the daddie o't.

Wha will crack to me my lane;
Wha will mak me fidgin fain;
What will kiss me o'er again,
The rantin dog the daddie o't.

Authorship

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)


Researcher for this text: Emily Ezust [Administrator]

This text was added to the website between May 1995 and September 2003.
Line count: 16
Word count: 106