Bon jour, bon mois, bon an et bonne estraine
 Vous doinst celuy qui tout tient en demaine,
 Richesse, honnour, sainté, joye sans fin,
 Bonne fame, belle dame, bon vin,
 Pour maintenir la creature saine.

 Apres vous doint qu'en joye on vous demaine
 Et lyesse tantost on vous ameine;
 Ainsi pourrez avoir, soir et matin,
   Bon jour, bon [mois, bon an et bonne estraine;
   Vous doinst celuy qui tout tient en demaine,
   Richesse, honnour, sainté, joye sans fin.]

 Et puis vous doint esperance certaine
 Sans tristesse, sans pensee villaine;
 Tous voz desirs acomplir de cueur fin.
 Sans contredit soyez en la parfin
 Lassus logee en gloire souveraine.

 Bon jour, bon [mois, bon an et bonne estraine
 Vous doinst celuy qui tout tient en demaine,
 Richesse, honnour, sainté, joye sans fin,
 Bonne fame, belle dame, bon vin,
 Pour maintenir la creature saine.]