triplum
 Rite majorem Jacobus canamus,
 Ordinis summi decus, o fideles.
 Blanda sit semper tibi sors viator.
 Exite, laudes, hominum patrono!
 Rebus et frater paribus Jesus
 Tam novas Christi facies uterque
 Visit; ut Petrus sequitur magistrum
 Sponte, dilectus fieri alumnus.

 Audivit vocem Jacobi sonoram
 Corda divinis penitus moventem
 Legis acceptae Pharisaeus hostis;
 Ora conversus lacrimis rigavit.

 Vinctus a turba prius obsequente.
 Cum magus sperat Jacobum ligare,
 Vertit in penas rabiem furoris,
 Respuit tandem magicos abusus.

Motetus
 Artibus summis miseri reclusi,
 Tanta qui fidunt Jacob merenti,
 Vinculis ruptis petiere terram
 Saltibus gressu stupuere, planam.

 Sopor annosae paralysis altus
 Accitu sancti posuit rigorem.
 Novit ut Christi famulum satelles,
 Colla dimisit, venerans ligatum.
 Tu patri natum laqueis iniquis
 Insitum servas.
 Duce te precamur:
 Jam mori vi non metuat viator,
 At suos sospes repetat penates!

 Corporis custos animaeque fortis,
 Omnibus prosis baculoque sancto
 Bella tu nostris moveas ab oris.
 Ipse sed totum tege jam Robertum!