Entre vous, gentils amoureux,
Ce jour de l'an soyés songneus
De bien servir chascum s'amie
Et de fuir merancolie,
Se vous volés estre joieux.

Ne soiés de riens curieux
Que de faire gales et jeux
Et de mener tres bone vie.
  Entre [vous, gentils amoureux,
  Ce jour de l'an soyés songneus
  De bien servir chascum s'amie.]

Et ne vous chaut des envieux,
Qui sont felons et despiteus.
Chantés, dansés, quoi que nul die;
Et qui ne peut chanter, se rie;
Je ne vous ay consilier mieulx.

Entre [vous, gentils amoureux,
Ce jour de l'an soyés songneus
De bien servir chascum s'amie
Et de fuir merancolie,
Se vous volés estre joieux.]