Juvenis qui puellam nondum septennem duxit
Quamvis aetas repugnaret
Ex humana tamen fragilitate forsan temptavit
Quod compere non potuit

Quia igitur in his quae dubia sunt
Quod tutius est tener debemus
Tum propter
Honestatem ecclesiae.

Quia ipsa conjux ipsius fuisse dicitur
Tum propter
Dictam dubitationem:
Mandamus quatinus consobrinam ipsius puellae
Quam postea duxit, dividas ab eodem.

Primum argumentum
Contra vos arguitur
Ubi per vos innuitur
Affectum velle puniri et effectum non sortiri

Quod clare probaretur
Sed brevitas non patitur

Solutio primi argumenti
Ad hoc sic dico breviter non recitando fontem
Quae contra me dixistis
Quod publicae honestatis justitia
Non patitur id quod per vos innuitur.

Secundum argumentum
Quamvis bene dixeritis, tamen contra vos arguo.
Nam in fine vos dicitis quod dividatur ab eo et
Contrarium videtis in capitulo unico quod
Alias allegastis sexto eodem titulo.