Ave Christe, immolate in crucis ara, 
redemptionis hostia: morte tua nos amara 
fac redemptos luce clara tecum frui gloria.

Ave verbum, incarnatum de Maria Virgine, 
panis vivus Angelorum, 
salus et spes infirmorum, 
medicina peccatorum.

Salve corpus Jesu Christi, quod de coelo descendisti 
et populum redemisti, qui in cruce pependisti. 

Jesu bone, fons pietatis, laus Angelorum, 
gloria Sanctorum, spes peccatorum, miserere nobis. 

Salve lux mundi, verbum Patris, hostia vera, 
viva caro, Deitas integra, verus homo.

Ave principium nostrae creationis, 
ave pretium nostrae redemptionis, 
ave viaticum nostrae peregrinationis, 
ave solatium nostrae expectationis, 
ave salus nostrae salvationis. 

Qui hic immolaris pro nobis et sanctificaris, 
juva dies nostros in pace disponi, 
et nos electorum tuorum grege numerari.