Ave nobilissima creatura,
humillima virgo Maria,
est tibi quasi osculum
hunc audire versum angelicum:
Ave Maria, gratia plena,
Dominus tecum.
Ergo ad imaginem tuam accedo,
genua flecto, osculum imprimo,
ave Maria dico.
O domina gloriae, o regina laetitiae,
angelorum domina, virginum gemma,
omniumque sanctorum justitia,
peccatorum consolatrix,
infirmorum curatrix,
errantium revocatrix,
desolatorum auxiliatrix,
mea promptissima adjutrix,
virgo sancta Maria.

Tibi, domina gloriosa,
commendo hodie et quotidie
animam meam et corpus meum,
ut me in tua custodia custodias,
et ab omnibus malis et fraudibus 
diaboli me educas,
et in ultima hora mortis meae
constanter mihi assistas,
et animam meam 
ad aetema gaudia perducas,
ubi tu, benedicta Maria,
in vera caritate permanes
cum Domino nostro Jesu Christo,
Filio tuo dulcissimo,
per infinita saecula saeculorum.
Amen.

Cantus firmus
 Benedicta tu in mulieribus,
 et benedictus fructus ventris tui.