Suis-je, suis-je, suis-je belle ? 
Il me semble, à mon avis,
Que j'ay beau front, doulx souriz,
Et la bouche vermeillette ;
Dietes moy, si je suis belle ?

J'ay vers yeulx, petit sourcis,
[Le chief blont]1, le nez [traitis]2,
Ront menton, blanche gorgette,
Dietes moy, si je suis belle.
   Suis-je, suis-je, etc.

J'ay piez rondes et petiz,
Bien chaussans et biaux habis,
Je suis gaye et foliette ;
Dietes moy, si je suis belle ?
   Suis-je, suis-je, etc.

Que quinze ans n'ay, je vous dis ;
Moult est mes trésors jolys,
S'en garderay la [clavette]3 ;
Dietes moy, si je suis belle ?
   Suis-je, suis-je, etc.