A Bua hat a blitzsauberes Deanderl
amål um a G'fälligkeit bitt;
das Deanderl sågt: Bua, i tua alles,
nur g'fälli sein, das tua i nit.

Dei G'fälligkeit, das war a Bussl, i kenn's,
und's Küssn, sagt d'Muatta, macht Fleck,
de kån am ka Doktor kurieren,
und de bringt am ka Bader nit weg.

Wånn jede Dirn von so an Bussl
an Fleck kriagt, dås war a G'schicht',
då sehat ma oftmal bei mancher
vor lauter Fleck går ka G'sicht!

Dos Deandl das glaubt ihra Muatter,
hat allwal das Küss'n vaschwurn,
und so is aus dem jungen Deandl
a auschiachi Jungfer draus wur'n.

Jetzt war sie die G'fälligkeit selber,
jetzt låsst sie den Büabln kan Fried,
aber jetzt is's um vierzig Jåhr älter,
jetzt braucht ma ihr G'fälligkeit nit!