Flinserln, Lieder nach mundartlichen Texten von Johann Gabriel Seidl

Wia d' Wölkerl am Himmel,
wia d' Wellerln in See,
so wechselt in Hearzn
a 's Wohl mid'n Weh.

Ös Felsna, wear wiard denn
scho schlåfa so frua?
I schrei eng's in d' Ohrn 'nein
und lås eng koan Rua.

I schrei eng's in d' Ohrn 'nein,
wia guad åls 's ma gehd,
Z'truz dem, das 's mid mia nid
In Aldn mear stehd!

Sunst woar ma mein Schif
und mein Ruada mein Weld;
iazt gniag'n s' ma håld nima;
wear sågd, wås ma fehld?

Alloan is's ma bschwerli,
alloan wil's nid daug'n;
miar fehl'n no zwoa Handerln,
miar fehl'n no zwoa Aug'n.

Zwoa Handerln zun Ruadarn,
wån's Schif si wil schdraib'n;
zwoa Augerl åals Stearnderln,
wohin i's sol treib'n!

A Bixerl au'm Ruck'n,
an Gamsbårt au'm Huad,
und a Dearndl in Hearzn,
dös måcht oam schon Muad!

Und kimad da Deixel
haind selbst auf mi ån,
i pelzat'n z'såm
wiar an åltn Fasån!

Und kimad mein Dearndl,
i nahm's um an Håls,
und miar fehlad nix mehr,
åbar i fehlad åll's!

Schaud's wia dö Stearndaln so
Zimperli thuan,
Und mid'n Augarln koan
Augablick ruan.

Is dös a G'schamikaid!
Dös thad koan Man:
D' Jungfarn dö blinzeln so,
Schaud ma's z' stark an.

Drum was ma sagen mag,
I sags halb2 no:
D' Stearndaln san Jüngfarln, drum
Blinzeln's a so!