Deux Poèmes de Ronsard

[ ... ]

ESPERANCE
Où vas-tu pauvre poëte ?
Tu auras avec le tems
Tout le bien que tu pretens,
i Et plus que tu n'en souhete.

Ta maistresse avoit raison
De tenir quelque saison
Rigueur à ta longue peine
Elle le faisoit expres,
Pour mieux resonder apres
Ton caeur, et ta foy certaine.

Mais ores qu'elle sait bien
Par seure espreuve combien
Ta peneuse amitié dure ;
D'elle mesme te prira,
Et benigne, garira
Le mal que ton coeur endure.

Alors je luy répondis :

[ ... ]

    Tay toy, babillarde Arondelle,
 Ou bien, je plumeray ton aile
 Si je t'empongne, ou d'un couteau
 Je te couperay la languette,
 Qui matin sans repos caquette
 Et m'estourdit tout le cerveau.
   Je te preste ma cheminée,
 Pour chanter toute la journée,
 De soir, de nuict, quand tu voudras.
 Mais au matin ne me reveille,
 Et ne m'oste quand je sommeille
 Ma Cassandre d'entre mes bras.