Seis canciones populares sefardies = Chansons populaires séphardiques

Yo bolí de foja en foja,
Para alcanzar anesta linda novia.
Yo bolí de rama en rama,
Para alcanzar anesta linda novia.
Con vuestra licencia, madre buena,
Yo me vo a l’ora buena.

Adonenu, Elohenu, barà et Moxé rabbenu
Para darnos toratenu que empesa con "Anoki".
Moxé hale l'axamayin sin akilà sin mayim
Trujo las luhot xayim que empesa con "Anoki".

La rose enflorence, en el mez de mai
Mi alma s'escurece sufriendo del amor.
Los biblico cantan, sospiran del amor,
y la pasión me mata, muchigua mi dolor.
Más presto ven, Palomba, más presto ven a mí,
más presto tú, mi alma, que yo me vo morir.

! Ya salió de la mar la galana !
Ya salió de la mar la galana,
Con un vestido rosal blanco.
! Ya salió de la mar !
 
Entre la mar y el rio
Entre la mar y el rio
Más creció un arvol de bimbrillo
! Ya salió de la mar !
 
! Ya salió de la mar la galana !
Ya salió de la mar la galana,
Con un vestido rosal blanco
! Ya salió de la mar !

Mi suegra la negra
Con mí se daquileya
Yo no puedo más bivir con ella.
Ella es muy fuerte,
Más que la muerte.
Más presto me veré sin ella.
Mi suegra la negra
Con mí se daquileya.
Un dia asentada con mi marido
M’ echó pelisco, m’ echó mudrisco.
Más presto me veré sin ella.
Mi suegra la negra,
Con mí se daquileya.

Secretos quero descuvrir, secretos de mi vida,
los cielos quero por papel, la mar, la mar por tinta.
Los arvoles por pendola, para escrivir mis dertes,
no lo saven ni hermanos, ni primos, ni parientes.
Sale a la puerta, te havlaré, sale a la ventana, te havlaré,
te descuvriré secretos, secretos de mi alma.