Sermone blando angelus
Predixit mulieribus
In Galilea Dominus
Videndus est a totuis.

Illae dum pergunt concite
Apostolis hoc dicere
Videntes eum vivere
Osculantur pedes Domini.

Quo agnito discipuli
In Galileam propere
Pergunt videre faciem
Desideratam Domini.

Claro paschali gaudio
Sol mundo nitet radio
Cum Christum iam apostoli
Visu cernunt corporeo.

Ostensa sibi vulnera
In Christi carne fulgida
Resurrexisse Dominum
Voce fatetur publica.

Rex Christe clementissimo
Tu corda nostra posside
Ut tibi laudes debitas
Reddamus omni tempore.

Quaesumus auctor omnium
In hoc paschali gaudio
Ab omni mortis impetu
Tuum defende populum.

Gloria tibi Domine,
Qui surrexisti a mortuis
Cum Patre et Sancto Spiritu
In sempiterna saecula.
Amen.