Mais voyez mon cher esmoy,
Voyez combien de merveilles
Vous parfaites dedans moy
Par vos beautez nompareilles.

De telle façon vos yeux,
Vostre ris et vostre grace,
Vostre front et vos cheveux ,
 ... 

Me bruslent depuis le jour
Que j’en eu la cognoissance,
Desirant par grand amour
En avoir la jouyssance :

Que sans l’aide de mes pleurs
Dont ma vie est arrosée,
Long temps a que les chaleurs
D’Amour l’eussent embrasée.

 ...