1 Stabat Mater dolorosa
Iuxta crucem lacrimosa
dum pendebat Filius.

2. Cuius animam gementem,
contristatam et dolentem,
pertransivit gladius.

 ... 

4. Quæ mœrebat et dolebat,
Pia Mater cum videbat
Nati pœnas incliti.

5. Quis est homo qui non fleret,
Matrem Christi si videret
in tanto supplicio?

 ... 

7. Pro peccatis suæ gentis
vidit Iesum in tormentis
et flagellis subditum.

 ... 

9. Eia Mater, fons amoris,
me sentire vim doloris
fac, ut tecum lugeam.

 ... 

12. Tui nati vulnerati,
tam dignati pro me pati,
pœnas mecum divide.

 ... 

15. Virgo virginum præclara,
mihi iam non sis amara:
fac me tecum plangere.

16. Fac ut portem Christi mortem,
passionis fac consortem,
et plagas recolere.

17. Fac me plagis vulnerari,
fac me cruce inebriari,
et cruore Filii.

 ... 

20. Quando corpus morietur,
fac ut animæ donetur
Paradisi gloria. Amen