Tu si no forfantiello,  
già all'uocchie ll'aggio visto.

(Fazio fa cenno con gli occhi)
 
Te mo, sso zennariello
che bole gnefecà?
Va, vavattenne, tristo,
mme vuò ammalezeà.

(Mosca da parte va in collera)
 
(Uh Mosca, arraffo sia! E ccome abbotta!)

(Fazio porge di nuovo la mano a Vastarella perché gliela baci)
 
No, no la vaso cchiù.
Ca tu mme la vuò fa.
Via su, ma statte fa.

(s'accosta a baciare la mano, e Fazio stringe la mano a Vastarella)	
 
Ah fuss'acciso mo,
mm'aje avuto a stroppeare:
io pe mme vennecare
te voglio pezzecà. (E Mosca ngotta.)