Il me semble que la journée
Coule plus longue qu’une année,
Quant par malheur je n’ay ce bien
De voir la grand beauté de celle
Qui tient mon cœur, et sans laquelle
Veisse-je tout je ne voy rien.

Quiconques fut jadis le sage
Qui dit ce qu’il ayme, et dit vray ;
Ailleurs vivant il ne peut estre,
Ni d’autre viande se paistre.
J’en suis seur, j’en ay fait l’essay.

Tousjours l’amant vit en l’aymée :
Pour cela mon ame affamée
Ne se veut souler que d’Amour,
De l’amour elle est si friande,
Que sans plus de telle viande
Se veut repaistre nuit et jour.