I han es Hüsli net und blank
Im liebe Schwyzerland;
Es ist umgeh vo Fichte schlank
Und lehnt a d'Felsewand.
Es bebt nüd vor em Wetterstrahl,
Wenn's ringsum brust und stürmt;
Es ist im ganze Erdethal
Keis Hus, das Gott so schirmt.
Det obe fast am Himmel lyts
Und's Vaterland, das heißt me d'Schwyz, 
Das himmlisch Land, frei Alpeland, 
Mi liebi schöni Schwyz.

  I han en frohe, heit're Sinn,
En guete Appetit,
Und wenn i uf der Alpe bin,
So fehlt mer währli nüd.
In Städte händ's viel Zank und Strit,
Me meint is Fegfür z'cho;
Da ob sind's ganz andri Lüt,
Die wüssed nüd dervo.
D'rum lob i mir mynmyn Wolkesitz
Und's Vaterland, das heißt me d'Schwyz, 
Das himmlisch Land, frei Alpeland, 
Mi liebi schöni Schwyz.

  Nu öppis fehlt mer na is Hus:
E brav's und wacker's Wyb;
I glaub sie käm wohl mit mer us,
Und hätt'  mi grüsli lieb.
Doch isch mer mengisch angst und bang,
Sie chäm vor mir i d'Grueb, 
Drum blyb i lieber no für lang
En frohe Sennebueb;
Myn Schatz ist d'Sunn, kein schön're git's.
Und's Vaterland, das heißt me d'Schwyz, 
Das himmlisch Land, frei Alpeland, 
Mi liebi schöni Schwyz.