iussit Hyblaeis tribunal stare diva floribus ;
praeses ipsa iura dicet, adsederunt Gratiae.
Hybla, totos funde flores, quidquid annus adtulit ;
Hybla, florum rumpe vestem, quantus Aetnae campus est.
ruris hic erunt puellae vel puellae montium,
quaeque silvas, quaeque lucus, quaeque fontes incolunt :
iussit omnes adsidere Pueri mater alitis,
iussit, et nudo, puellas nil Amori credere.

cras amet qui numquam amavit, quique amavit cras amet !