Cras amet qui numquam amavit ; quique amavit cras amet. Ver novum, ver iam canorum, vere natus orbis natus est ; Vere concordant amores, vere nubunt alites, Et nemus comam resolvit de maritis imbribus. Cras amorum copulatrix inter umbras arborum Implicat casas virentes de flagello myrteo: Cras Dione iura dicit fulta sublimi throno. Cras amet qui numquam amavit ; quique amavit cras amet. Tunc cruore de superno spumeo pontus globo, Caeruleas inter catervas, inter et bipedes equos, Fecit undantem Dionem de maritis fluctibus. Cras amet qui numquam amavit ; quique amavit cras amet. Ipsa gemmis purpurantem pingit annum floridis, Ipsa surgentes papillas de Favoni spiritu Urget in toros tepentes ; ipsa roris lucidi, Noctis aura quem relinquit, spargit umentis aquas. En micant lacrimae trementes de caduco pondere: Gutta praeceps orbe parvo sustinet casus suos. En pudorem florulentae prodiderunt purpurae: Umor ille, quem serenis astra rorant noctibus, Mane virgineas papillas solvit umenti peplo. Ipsa iussit mane ut udae virgines nubant rosae ; Fusa Paphies de cruore deque Amoris osculis Deque gemmis deque flammis deque Solis purpuris Cras ruborem, qui latebat veste tectus ignea, Unico marita voto non pudebit solvere. Cras amet qui numquam amavit quique amavit cras amet.
Pervigilium Veneris
Song Cycle by George Lloyd (1913 - 1998)
1. Cras amet qui numquam amavit ; quique amavit cras amet  [sung text checked 1 time]
Authorship:
- by Anonymous / Unidentified Author
Go to the single-text view
Researcher for this page: Ferdinando Albeggiani2. Ipsa Nymphas diva luco iussit ire myrteo  [sung text checked 1 time]
Ipsa Nymphas diva luco iussit ire myrteo; It puer comes puellis: nec tamen credi potest Esse Amorem feriatum, si sagittas vexerit. Ite, Nymphae, posuit arma, feriatus est Amor: Iussus est inermis ire, nudus ire iussus est, Neu quid arcu, neu sagitta, neu quid igne laederet. Sed tamen, Nymphae, cavete, quod Cupido pulcher est: Totus est in armis idem quando nudus est Amor. Cras amet qui numquam amavit quique amavit cras amet.
Authorship:
- by Anonymous / Unidentified Author
Go to the single-text view
Researcher for this page: Ferdinando Albeggiani3. Compari Venus pudore mittit ad te virgines  [sung text checked 1 time]
Compari Venus pudore mittit ad te virgines ; una res est quam rogamus: cede, virgo Delia, ut nemus sit incruentum de ferinis stragibus. Ipsa vellet te rogare, si pudicam flecteret. Ipsa vellet ut venires, si deceret virginem ; Iam tribus choros videres feriantis noctibus Congreges inter catervas ire per saltus tuos, Floreas inter coronas, myrteas inter casas : nec Ceres, nec Bacchus absunt, nec poetarum Deus : Detinenter tota nox est perviclanda canticis: Regnet in silvis Dione: tu recede, Delia. Cras amet qui numquam amavit; quique amavit cras amet.
Authorship:
- by Anonymous / Unidentified Author
Go to the single-text view
Researcher for this page: Ferdinando Albeggiani4. Iussit Hyblaeis tribunal stare diva floribus  [sung text checked 1 time]
Iussit Hyblaeis tribunal stare diva floribus; Praeses ipsa iura dicit, adsidebunt Gratiae. Hybla, totus funde flores, quidquid annus adtulit; Hybla, florum sume vestem, quantus Aetnae campus est. Ruris hic erunt puellae vel puellae fontium, Qaeque silvas, quaeque lucos, quaeque montes incolunt. Iussit omnes adsidere pueri mater alitis, Iussit et nudo puellas nil Amori credere. Cras amet qui numquam amavit; quique amavit cras amet.
Authorship:
- by Anonymous / Unidentified Author
Go to the single-text view
Researcher for this page: Ferdinando Albeggiani5. Cras erit quo primus Aether copulavit nuptias  [sung text checked 1 time]
Cras erit quo primus Aether copulavit nuptias, Ut pater totis crearet vernis annum nubibus: In sinum maritus imber fluxit almae coniugis, Unde fetus mixtus omnis aleret magno corpore. Ipsa venas atque mentem permeanti spiritu Intus occultis gubernat procreatrix viribus, Perque coelum, perque terras, perque pontum subditum Pervium sui tenorem seminali tramite Imbuit iussitque mundum nosse nascendi vias. Cras amet qui numquam amavit quique amavit cras amet.
Authorship:
- by Anonymous / Unidentified Author
Go to the single-text view
Researcher for this page: Ferdinando Albeggiani6. Ver novum, ver jam canorum, vere natus orbis est  [sung text checked 1 time]
Ver novum, ver jam canorum, vere natus orbis est; Vere concordat amores, vere nubunt alites, Et nemus comam resolvit de maritis imbribus. Cras amorum copulatrix inter umbras arborum Implicat casas virentes de flagello myrteo : Cras Dione jura dicit fulta sublimi throno. Cras amet qui numquam amavit ; quique amavit cras amet.
Authorship:
- by Anonymous / Unidentified Author
Go to the single-text view
Researcher for this page: Ferdinando Albeggiani7. Ipsa Troianos nepotes in Latinos transtulit  [sung text checked 1 time]
Ipsa Troianos nepotes in Latinos transtulit: Ipsa Laurentem puellam coniugem nato dedit, Moxque Marti de sacello dat pudicam virginem: Romuleas ipsa fecit cum Sabinis nuptias Unde Ramnes et Quirites proque prole posterum Romuli patrem crearet et nepotem Caesarem; Cras amet qui numquam amavit quique amavit cras amet.
Authorship:
- by Anonymous / Unidentified Author
Go to the single-text view
Researcher for this page: Ferdinando Albeggiani8. Rura fecundat voluptas, rura Venerem sentiunt  [sung text checked 1 time]
Rura fecundat voluptas, rura Venerem sentiunt; Ipse Amor, puer Dionae, rure natus dicitur. Hunc, ager cum parturiret, ipsa suscepit sinu: Ipsa florum delicatis educavit osculis. Cras amet qui numquam amavit quique amavit cras amet.
Authorship:
- by Anonymous / Unidentified Author
Go to the single-text view
Researcher for this page: Ferdinando Albeggiani9. Ecce iam subter genestas explicant tauri latus  [sung text checked 1 time]
Ecce iam subter genestas explicant tauri latus, Quisque tutus quo tenetur coniugali foedere. Subter umbras cum maritis ecce balantum greges: Et canoras non tacere diva iussit alites. Iam loquaces ore rauco stagna cygni perstrepunt: Adsonat Terei puella subter umbram populi, Ut putes motus amoris ore dici musico, Et neges queri sororem de marito barbaro. Illa cantat, nos tacemus. Quando ver venit meum? Quando fiam uti chelidon, ut tacere desinam? Perdidi Musam tacendo, nec me Phoebus respicit. Sic Amyclas, cum tacerent, perdidit silentium. Cras amet qui numquam amavit quique amavit cras amet.
Authorship:
- by Anonymous / Unidentified Author
Go to the single-text view
Researcher for this page: Ferdinando Albeggiani