Je prens congié de vous, amours,
Et vous mercy de vos honnours
Que presenter m'avez volu
Par tant de fois, que suis tenu
De vous en remerchier tous jours.

Ou que soye, cy et alliours,
Comandés moy vos grans doulcours;
La vous vorrés, seray venu.
  Je prens [congié de vous, amours,
  Et vous mercy de vous honnours
  Que presenter m'avez volu.]

Adieu vous dy, plus n'ay de cours,
pour Dieu si me soiés secours
A mon besoing, quant...
Vous playra come a celuy...
A qui il vient lo rebours.

  [Je prens congié de vous, amours,
  Et vous mercy de vous honnours
  Que presenter m'avez volu
  Par tant de fois, que suis tenu
  De vous en remerchier tous jours.]