Dieu gard la bone sans reprise,
La tres plaisante et la plus belle,
Des autres la plus gente et celle
Qui de tout honneur est aprise.

Raison si veut que je la prise,
Puisqu'au monde n'a point de telle.
  Dieu gard [la bone sans reprise,
  La tres plaisante et la plus belle.]

Jamais je ne feray emprise
Pour acquerir dame nouvelle;
C'est mon conquest et ma querelle,
Puisqu'amours ainsi le devise.

  Dieu gard [la bone sans reprise,
  La tres plaisante et la plus belle,
  Des autres la plus gente et celle
  Qui de tout honneur est aprise.]