Je donne a tous les amoureux
Pour estrines unne soussye
Qui cest an aiment sans partie,
A garir leur cuers dolereux.

Pis ont qu'a ploutre laboureux
Ne charatier qui se desvye:
  Je donne [a tous les amoureux
  Pur estrines unne soussye.]

Des liens de Dangier plantereux,
De tristesse et de jalousye,
Seront gari je ne doubt mye;
C'est bien rayson, ainsy m'aist Dieux.

  Je donne [a tous les amoureux
  Pur estrines unne soussye
  Qui cest an aiment sans partie,
  A garir leur cuers dolereux.]