Victoria, Christo resurgenti,
Christo triumphanti, 
applaudant sidera. Alleluya.
Haec est dies quam fecit Dominus, 
dies solemnitatis, dies laetitiae, 
dies victoriae, 
in qua surrexit, victa morte, 
rex immortalis gloriae. 
Sic Jesus, pastor bonus, 
morte mortem voluit domare,
morte hostem voluit fugare.  
O Jesu, salus, lux et vita, 
presta ut nos resurgamus 
ut tecum semper vivamus
in eterna saecula. Alleluya.