by François Villon (1431 - 1463)

Ballade
Language: French (Français) 
Las ! je me plains d'amours et de ma dame,
Et de mes yeulx dont j'ay veu sa beaulte ;
Et oultre plus, je me plains d'une femme
Qui contre moy a le conseil donne
Dont j'ay deja tant de mal endure
Qu'il me fauldra, par deffaulte de joye,
Aller criant, comme tout forcene :
Je hez ma dame que tant aymer souloye.

Car se pitie son tres doulx cueur n'entame
A me donner ce que j'ay desire,
J'iray mourir, ainsi qu'ung homme infame.
Tout hors de sens et si desespere
Qu'apres ma mort il en sera parle
Plus loin dix fois que d'icy en Savoye,
Et lors diray pour plus estre blasme :
Je hez ma dame que tant aymer souloye

Se je le dy, je jure sur mon ame
Que ce sera contre ma voulente.
Je prye a Dieu qu'il n'y puist avoir ame
A celle fin qu'il ne soit raporte.
Car jasoit ce qu'elle m'ait courrouce
Tant qu'on peut plus, cent mille fois mourroye
Avant que j'eusse ne dit ne profere:
Je hez ma dame que tant aymer souloye.

Authorship

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)


Researcher for this text: Emily Ezust [Administrator]

This text was added to the website: 2014-09-11
Line count: 24
Word count: 182