by Anonymous / Unidentified Author

La Belle au Rossignol
Language: Old French (Ancien français) 
Volez vous que je vous chant
Un son d'amors avenant?
Vilain ne fist mie,
Ainz le fist un chevalier
Souz l'ombre d'un olivier
Entre les braz s'amie.

Chemisete avoit de lin
En blanc peliçon hermin
Et bliaut de soie,
Chauces ot de jaglobai
Et sollers de flors de mai,
Estroitement chauçade.

Cainturete avoit de fueille
Qui verdist quant li tens mueille;
D'or hert boutonade.
L'aumosniere estoit d'amor;
Li pendant furent de flor,
Par amors fut donade.

Si chevauchoit une mule;
D'argent ert la ferreure,
La sele ert dorade;
Seur la crope par derrier
Avoit planté trois rosiers
Por fere li honbrage.

Si s'en vet aval la pree;
Chevaliers l'ont encontree,
Biau l'ont saluade:
"Bele, dont estes vous nee?
-De France sui, la löee,
Du plus haut parage.

Li rossignous est mon pere
Qui chante seur la ramee
El plus haut boscage;
La seraine, ele est ma mere
Qui chante en la mer salee
El plus haut rivage.

-Bele, bon fussiez vous nee,
Bien estes enparentee
Et de haut parage;
Pleüst a Dieu nostre pere
Que vous me fussiez donee
A fame espousade."

Available sung texts:   ← What is this?

•   J. Tiersot 

Text as set by Tiersot: 

Voulez-vous que je vous chant'
Un son d'amour avenant ?
Vilains nel fit mie,
Ains le fit un chevalier
Sous l'ombre d'un olivier
Entr' les bras sa mie.

Chemisette avait de lin
Et blanc pelisson d'hermin
Et bliaut de soie.
Chauces eut de jaglolai
Et solers de fleurs de mai,
Estroit(e)ment chauçade.

Ceinturette avait de fueil
Qui verdit quand le temps mueil,
D'or ert boutonade ;
L'aumosnière était d'amour,
Li pendant furent de fleur,
Par amour fut donade.

Et chevauchoit une mule;
D'argent ert la ferreüre,
La selle ert dorade :
Sus la croupe par derriers
Avait planté trois rosiers
Pour fair(e) ci ombrage.

Si s'en vet aval la prée :
Chevaliers l'ont encontrée,
Biau l'ont saluade.
« Bele, dont estes vous née ?
De France sui la loée
Du plus haut parage.

Li rossignox est mon père,
Qui chante sur la ramée
El plus haut boscage.
La seraine ele est ma mère,
Qui chante en la mer salée
El plus haut rivage.

Bele, bon fussiez vous née,
Bin estes enparentée
Et de haut parage.
Pleüst à Deu notre père
Que vous me fussiez donée
A fame esposade! »

Text Authorship:

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):

Settings in other languages, adaptations, or excerpts:


Researcher for this text: Emily Ezust [Administrator]

This text was added to the website: 2025-08-12
Line count: 42
Word count: 182