Quand ie vous dis Adieu, Dame, mon seul apuy,
En vox yeux ie laisay mon cœur pour sa demeure
En gaige de ma foy : si ay depuis l'heure
Fuyant le peuple et moy, tousiours vescu d'ennuy.

Mais pour Dieu ie vous pry, me le rendre auiourd'huy
Que ie suis retourné, de peur que ie ne meure :
Ou bien que d'vn clin d'œil vostre beauté m'assure
Que vous me donnerez le vostre en lieu de luy.

Las ! donez-le moy donc, et de l'œil faittes signe
Que vostre cœur est mien et que vous n'auez rien
Qui ne soit fort ioyeux, vous laissant, de me suiure.

Ou bien si vous voyez que ie ne sois pas digne D'auoir chez moy le vostre, au-moins rendez le
mien,
Car sans auoir vn cœur ie ne sçaurois plus viure.