Mei Deandl had a Kinn, wo a Griawerl is drin;
i kann's gar nöd sag'n, wiari eing'schbrengd drein bin.
An Nas'n had a jedi und Aug'n und a Mahl,
awra Griawerl im Kinn findt ma nöd allawal.

Wan's freindli mi anschaud, wan's blinzelt und lachd,
sollt ös seg'n wias das Griawerl so liabli aufmachd.
So rund is iar Kinn und so schen is fuarn glukd,
g'rad als wan ih's Kristkindl häds Fingerl nein drukd.

I häd oani heirad'n sol'n aus da Schdad,
aber i han's hald nöd mög'n, wal's koan Griawerl nöd had.
Falsche Hoar kan's wol geb'n, falsche Zent, dös is gscheg'n,
aber a Griawerl was falsch is habi mei Lebtag nöd g'seg'n.