by Robert Burns (1759 - 1796)

Rothiemurcus rant
Language: Scottish (Scots) 
Lassie wi' the lintwhite locks,
Bonie lassie, artless lassie!
Wilt thou wi' me tent the flocks,
Wilt thou be my dearie O?
Now Nature cleeds the flow'ry lea,
And a' is young and sweet like thee;
O wilt thou share its joys wi' me,
And say thou'lt be my dearie O?
 
Lassie wi' the lintwhite locks, &c
And when the welcome summer show'r
Has cheer'd ilk drooping little flow'r,
We'll to the breathing woodbine bow'r,
At sultry noon, my dearie O.
 
Lassie wi' the lintwhite locks, &c
When Cynthia lights, wi' silver ray,
The weary shearer's hameward way,
Through yellow, waving fields we'll stray,
And talk of love, my dearie O.
 
Lassie wi' the lintwhite locks, &c
And when the howling, wintry blast
Disturbs my lassie's midnight rest,
Enclasped to my faithful breast,
I'll comfort thee, my dearie O.

lintwhite locks = flaxen hair
tent = care for
cleeds = clothes
ilk = every

Authorship

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

Settings in other languages, adaptations, or excerpts:

Other available translations, adaptations or excerpts, and transliterations (if applicable):


Researcher for this text: Ferdinando Albeggiani

This text was added to the website: 2009-06-14
Line count: 23
Word count: 139