I bin jüngst verwichen,
Hin zum Pfarrer geschlich'n:
"Därf i's Dirndel, därf i's Dirndel liab'n?"
   "Untersteh di net, bei meiner Seel',
   Wannst du s'Dirndel liabst,
   So kommst in d'Höll". 

Bin i vull Valonga 
Zu da Muota gonga:
"Därf i's Dirndel, därf i's Dirndel liab'n?"
   "O, mei liaba Schotz, es is no z'frua,
   Nach fünfzehn Jährle erst,
   Mei liaba Bua."

Woar in groß'n Nötn,
Hon i'n Votan betn:
"Därf i's Dirndel, därf i's Dirndel liab'n?"
   "Dummers Schlangl!" schreit in sein Zurn,
   Willst mein Steckn kosten,
   Konst es tuan!"

Wos is onzufonga?
Bin zum Herrgott ganga:
"Därf i's Dirndel, därf i's Dirndel liab'n?"
   "Ei jo freili," sogt er und hot glacht,
   "Wegn a Büaberl hon i 
   S'Dirnl g'mocht".