Chansons pour Hélène, 6ème recueil

Anne ma sœur, dont me vient le songer.
Qui toute nuit par devers vous me mène,
Quel nouvel hôte est venu se loger
Dedans mon cœur, et toujours s'y promène ?
Certes je crois, et ma foi n'est point vaine,
Que c'est un
Dieu.
Me vient-il consoler ?
Ah c'est
Amour, je le sens bien voler.
Anne, ma sœur, vous l'avez fait mon hôte.
Et le sera, me dut-il affoler,
Si celle-là qui l'y mit ne l'en ôte.

Las ! il est mort ; pleurez-le, damoyselles ;
Le passereau de la jeune Maupas.
Un autre oyseau, qui n'a plumes qu'aux aisles,
L'a devoré : le cognoissez-vous pas ? 
C'est ce fascheux Amour qui sans compas,
Avecques luy se jettoit au giron 
De la pucelle, et voloit environ,
Pour l'enflamber, et tenir en destresse ; 
Mais par despit tua le passeron,
Quand il ne sceut rien faire à la maistresse. 

Puis qu'il vous plaist entendre ma pensée, 
Vous la sçaurez, gentil cueur gracieux ;
Mais, je vous pry, ne soyez offensée
Si en pensant suis trop audacieux.

Je pense en vous et au fallacieux 
Enfant Amour, qui par trop sottement
A faict mon cueur aymer si haultement,
Si haultement, helas ! que de ma peine
N'ose esperer un brin d allegement,
Quelque doulceur de quoy vous soyez pleine.

Un doulx Nenny avec un doulx soubzrire
Est tant honneste, il le vous fault apprendre
Quant est d’Ouy, si veniez à le dire,
D’avoir trop dict je vouldroys vous reprendre;
Non que je soys ennuyé d’entreprendre
D’avoir le fruict dont le desir me poinct;
Mais je vouldroys qu’en le me laissant prendre
Vous me disiez: ‘Non, vous ne l’aurez point.’

Demandez vous qui me faict glorieux ?
Heleine a dict, et j'en ay bien memoire,
Que de nous trois elle m'aymoit le mieulx ;
Voilà pourquoy j'ay tant d'aise et de gloire. 

Vous me direz qu'il est assez notoire
Qu'elle se mocque, et que je suis deceu : 
Je le sçay bien, mais point ne le veulx croire,
Car je perdrois l'aise que j'ay receu.

Damoyselle que j'ayme bien, 
Je te donne, pour la pareille,
Tes estrenes d'un petit chien,
Qui n'est pas plus grand que l'oreille : 
Il jappe, il mord, il faict merveille,
Et va desja tout seul trois pas : 
C'est pour toy que je l'appareille,
Excepté que je ne l'ay pas.

Plus ne suis ce que j'ay esté
Et ne le saurois jamais l'estre.
Mon beau printemps, et mon esté
Ont fait le sault par la fenestre.

Amour, tu as esté mon maistre,
Ie t'ay seruy sur tous les Dieux.
O si ie pouois deux fois naistre,
Comme ie te seruirois mieux !

Après une seule exceptée,
Je vous serviray ceste année, 
Ma doulce Valentine gente ; 
Puisqu'Amours veult que m'i consente 
Et que telle est ma destinée. 

De moy, pour aultre abandonnée 
Ne serez ; mais si fort amée, 
Qu'en devrez bien estre contente, 
Après une seule exceptée. 

Or me soit par vous ordonnée, 
S'il vous plaist, à ceste journée, 
Va (vôtre) voulenté doulce et plaisante ;
Car à la faire me présente 
Plus que pour dame qui soit née 
Après une seule exceptée.

  Mignonn', allon voir si la rose
Qui ce matin avoit declose
Sa robe de pourpr' au soleil,
A point perdu, cette vesprée,
Le plis de sa robe pourprée,
Et son teint au vostre pareil.

  Las, voyés comm' en peu d'espace,
Mignonn', ell' a dessus la place,
Las, las, ses beautés laissé cheoir!
Ô vrayement maratre nature,
Puis qu'une telle fleur ne dure,
Que du matin jusques au soir!

  Donc, si vous me croiés, mignonne:
Tandis que vostr' age fleuronne
En sa plus verte nouveauté,
Cueillés, cueillés vostre jeunesse,
Comm' à cette fleur, la viellesse
Fera ternir vostre beauté.