Coplas sefardies

Una matica de ruda,
una matica de flor,
hija mía, mi querida,
dime a mí quién te la dió.

Una matica de ruda,
una matica de flor,
Me la dió un mancevino
que de mí se enamoró.

Una hija tiene el rey,
una hija regalada,
la metió en altas torres,
por tenerla bien guardada.

Un día por los calores
aparóse en la ventana,
vido venir un segador
segando trigo y cebada.

Como la rosa en la güerta
y las flores sin avrir
ansí es una doncella
a las horas del murir.

Tristes horas en el día
que harina ya cayó
como la reyna en su lecho
ya cayó y se desmayó.

La moxca
 Estavase la mora en su bel estar,
 venía la moxca por hazerle mal.
    La moxca a la mora,
    la mora a la moxca;
    ¡Mezquina la mora 
    que en los campos mora!

La abezba
 Estavase la moxca en su bel estar,
 venía la abezba por hazerle mal. 
    La abezba a la moxca, 
    la moxca a la mora;
    ¡Mezquina la mora 
    que en los campos mora!

La araña
 Estavase la abezba en su bel estar,
 venía la araña por hazerle mal.
    La araña a la abezba,
    la abezba a la moxca,
    la moxca a la mora;
    ¡Mezquina la mora 
    que en los campos mora!

Ah, el novio no quere dinero,
Quere a la novia de mazal bueno
    Yo vengo a ver
    que gozen e logren
    y tengo mucho bien.

Ah, el novio no quere ducados,
Quere a la novia de mazal alto.
    Yo vengo a ver
    que gozen e logren
    y tengo mucho bien.
 
Ah, el novio no quere manillas,
Quere a la novia cara de alegría
    Yo vengo a ver
    que gozen e logren
    y tengar mucho bien.

Aquel rey de Francia
tres hijas tenía,
La una cortava
y la otra cuzía;
La más chiquitica
bastidor hazía.
Lavrando lavrando
el sueño le venía
La madre con ravia
harvarla quería.

Aquel Conde y aquel Conde,
que en la mar sea su fín,
armó naves y galeas
para Francia quiso ir.
Armólas de todo punto
echólas adientro del sangí.

Con pavor recordó el moro
y empeçó a gritos dar
mis arreos son las armas
mi descanso es pelear.

Mi cama las duras peñas
mi dormir siempre es velar,
mis vestidos son pesares
que no se pueden rasgar.

Tres hijas tiene el buen rey
Tres hijas cara de luna,
La más chiquitica de ellas
Delgazina se llamava.
Un día estando en la meza
El su padre la mirava;
–¿Que me mira, el mi padre, 
que me mira demazía?
–Yo te miro, la mia hija,
que de ti me enamorava.
–¡Calla, calla, el mi padre,
y no dezhonore a mi madre!
¡Ser madrasta de mis hermanas
y comblesa de mi madre

Yo tomí (tomé) una muchacha
Hija de un gran Siñor;
Muncho (mucho) me trujo con ella,
Más y más tenía yo.
Mi mujer era pomposa,
Yo un hombre gastador;
Gastí (gasté) lo mio y lo suyo
Y lo que el padre a ella le dió
Agora por mis pecados
Vine a ser enfilador;
Mi mujer fila a una a una,
Yo enfilo a dos a dos.
Dame seda de Brussa
Y clavedón (clavelón) de Stambol.
Lavraré (bordaré) yo una tovaja (tohalla)
La luna y el ojo del sol.
En medio de esta tovaja,
Ansias de mi corazón;
Se las mandaré a mi padre,
Que por mi él tome dolor.

Cuando la comadre dize: dale, dale.
Dize la parida: ¡Ah, Dió, escapadme!
Dize la su gente: ¡Amén, amén!

¡Oh, que mueve mezes
– trabí de estrechura! Mos nació un hijo
– de cara de luna.
Ya es el buen simán (signo, sintoma)
– de ésta criatura.