Amours, que vous ai meffait ?
Que suis amie non amée ?
Au dous plaisant m'avez fait,
Lasse, et point ne li agrée.
Et de quelle eure sui née
Quant je n'ai loial ami ?
Amours douce et desirrée,
Enamourez-le de mi.

J'ai grant paour que il n'ait
Allieurs mise sa pensée ;
Quar tant est de dous atrait.
Sa guise si savourée,
Qu'aucune autre enamourée
L'a atrait, ce croi, à mi.
Amours douce et desirrée,
Enamourés-le de mir.

Ses regars m'a du cors trait
Mon cuer ; ainsi m'a navrée
Doucement ; très bien me plait.
Dex ! s'ausi m'avoit donnée
S'amour, plus beneurée
Ne seroit : pour ce vous pri.
Amours douce et desirrée,
Enamourez-le de mi.