Slava v vyšnich Bogu, i na zemli mir,
v čelovecech blagovolenie.
Chvalim Tja, blagoslovim Tja,
klanjaem Ti sja, slavoslovim Tja,
blagodarim Tja, velikija radi slavy Tvoeja.
Gospodi Carju Nebesnyj,
Bože Otče Vsederžitelju,
Gospodi, Syne Edinorodnyj,
Iisuse Christe, i Svjatyj Duše.
Gospodi Bože, Agnče Božij, Syne Oteč',
vzemljaj grech mira, pomiluj nas;
vzemljaj grechi mira, prijmi molitvu našu.
Sedjaj odesnuju Otca, pomiluj nas.
Jako Ty esi edin Svjat,
Ty esi edin Gospod', Iisus Christos,
v slavu Boga Otca. Amin'.

Na vsjak den' blagoslovlju Tja i voschvalju imja Tvoe
vo veki i v vek veka.
Spodobi, Gospodi, v den' sej
bez grecha sochranitisja nam.
Blagosloven esi, Gospodi, Bože Otec našich,
i chval'no i proslavleno imja Tvoe vo veki. Amin'.
Budi, Gospodi, milost' Tvoja na nas,
jakože upovachom na Tja.

Blagosloven esi, Gospodi, nauči mja opravdaniem Tvoim.
Blagosloven esi, Gospodi, nauči mja opravdaniem Tvoim.
Blagosloven esi, Gospodi, nauči mja opravdaniem Tvoim.
Gospodi, pribežišče byl esi nam v rod i rod.
Az rech: Gospodi, pomiluj mja,
isceli dušu moju, jako sogrešich Tebe.
Gospodi, k Tebe pribegoch,
nauči mja tvoriti volju Tvoju, jako Ty esi Bog moj,
jako u Tebe istočnik života,
vo svete Tvoem uzrim svet.
Probavi milost' Tvoju veduščim Tja.

Svjatyj Bože, Svjatyj Krepkij, Svjatyj Bezsmertnyj pomiluj nas.
Svjatyj Bože, Svjatyj Krepkij, Svjatyj Bezsmertnyj pomiluj nas.
Svjatyj Bože, Svjatyj Krepkij, Svjatyj Bezsmertnyj pomiluj nas.
Slava Otcu i Synu i svjatomu Duchu,
i nyne i prisno i vo veki vekov. Amin'.
Svjatyj Bezsmertnyj pomiluj nas.
Svjatyj Bože, Svjatyj Krepkij, Svjatyj Bezsmertnyj pomiluj nas.