I.
 Resvelliés vous et faites chiere lye
 Tous amoureux qui gentillesse amés;
 Esbatés vous, fuyés merancolye,
 De bien servir point ne soyés hodés.
 Car au jour d'ui sera li espousés,
 Par grant honneur et noble seignourie;
 Se vous convient ung chascum faire feste,
 Pur bien grignier la belle compagnye
   Charle gentil, c'on dit de Malateste.

II.
 Il a dame belle et bonne choysie,
 Dont il sera grandement honnourés;
 Car elle vient de tres noble lignie
 Et de barons qui sont mult renommés.
 Son propre nom est Victore clamés;
 De la colomne vient sa progenie.
 C'est bien rayson qu'a vascule requeste
 De ceste dame mainne bonne vie
   Charle gentil c'on dit de Maleteste.