Rêveries

Ja laiez garçon et mari et vos aucler vis
 . . . . . . . . . .

— The rest of this text is not
currently in the database but will be
added as soon as we obtain it. —

     Si je suis trouvée 
     Avecques mon amy, 
     En doy je estre blasmée 
     Pour parler a luy? 

Mon pere et ma mere     sy m'ont mariée 
A un vieil bon homme     .....
Maudit soit le jour     qu'oncques je le vy !
Hellas ! mes amours     ne sont pas ycy.

Quant ce vient le soir     que je suis couchée,
Mon villain s'endort     toute la nuitée; 
Je pleure et souppire,     je ne puis dormir.
Hellas ! mes amours      ne sont pas ycy. 

Quant ce vient le jour      que je suis levée, 
Mon amy m'aporte     saincture dorée, 
Saincture dorée,      chapperon aussy.
Helas ! mes amours,      helas! ce sont il. 

Sur toute couleur      j'ayme la tannée: 
Pour ce que je l'ayme      m'en suys habillée, 
Et toutes les aultres      ay mis en obly. 
Hellas! mes amours      ne sont pas ycy.

De legier pleure à qui la lippe pent ;
Ne demandez jamais comment lui va, 
Laissez l'en paix, il se confortera, 
Ou en son fait mettra appointtement. 

A son umbre se combattra souvent, 
Et puis son frein rungier lui conviendra. 
De legier pleure à qui la lippe pent ;
Ne demandez jamais comment lui va.

S'on parle à lui, il en est mal content ; 
Cheminée, au derrain, trouvera 
Par où passer sa fumée pourra ; 
Ainsi avint le plus communement ;
De legier pleure à qui la lippe pent.

Plaisir n'ay plus, mais vy en desconfort,
Fortune m'a remis en grand'douleur.
L'heur que j'avois est tourné en malheur,
Mal heureux est qui n'a aucun confort.

Fort suis dolent, et regret me remord,
Mort m'a osté ma dame de valeur, 
L'heur que j'avois est tourné en malheur: 
Mal heureux est qui n'a aucun confort. 

Valoir ne puis, en ce monde suis mort,
Morte est m'amour, dont suis en grand'langueur, 
Langoureux suis plein d'amere liqueur,
Le cueur me part, pour sa dolente mort.

Petit mercier, petit pannier ! 
Pourtant se je n'ay marchandise 
Qui soit du tout à vostre guise,
Ne blasmez, pource, mon mestier.

Je gangne denier à denier, 
C'est loings du tresor de Venise,
(Petit mercier, petit pannier !)
Pourtant se je n'ay marchandise.

Et tandis qu'il est jour ouvrier,
Le temps pers quant à vous devise :
Je voys parfaire mon emprise
Et par my les rues crier : 
Petit mercier, petit pannier !