Le Missel Chantant, Suite de mélodies sur de vieilles poésies françaises - 1er volume

En regardant ces belles fleurs
Que le temps nouveau d'amours prie,
Chascune d'elle s'ajolie,
Et farde de plaisans couleurs;
Tant embasmées sont de odeurs
Qu'il n'est cueur qui ne rajeunie.
En regardant ces belles fleurs
Que le temps nouveau d'amours prie.

Les oyseaulx deviennent danseurs
Dessus mainte branche fleurie,
Et font joyeuse chanterie,
De contres, des chans et teneurs.
En regardant ces belles fleurs
Que le temps nouveau d'amours prie.

Monstrez les moy, ces povres yeulx,
Tous batuz et deffigurez,
Certes ilz sont fort empirez
Depuis hier, qu'ilz valloient mieulx.
Ne se congnoissent ilz pas tieulx;
Mal se sont au matin mirez.
Monstrez les moy, etc.
Tous batuz, etc.

Ont ilz pleuré devant leurs Dieux?
Comme de leur grace inspirez,
Ou s'ilz ont mains travaulx tirez,
Priveement en aucuns lieux.
Monstrez les, etc.

En voyant sa dame au matin
Près du feu où elle se lace,
Où est le cœur qui jase lasse
De regarder son beau tétin ?
En voyant sa dame au matin.
Alors se dit maint bon tatin,
Quand on s'entretient face à face,
En voyant sa dame au matin
En un beau corset de satin.
Quand on la tient et on l'embrasse,
C'est ce qui tout ennui efface,
Malgré faux danger le matin,
En voyant sa dame au matin
En un beau corset de satin.

L'amour de moi, s'y est enclose
Dedans un joli jardinet
Où croît la rose et le muguet,
Et aussi fait la passerose.

Ce jardin est bel et plaisant,
Il est garni de toutes fleurs.
On y prend son ébattement,
Autant la nuit comme le jour.

Hélas ! il n'est si douce chose
Que de ce doux rossignolet
Qui chante au soir, au matinet.
Quand il est las, il se repose.

Je la vis l'autre jour cueillir
La violette en un vert pré.
Le plus belle qu'oncque je vis,
Et la plus plaisante à mon gré.

Je l'ai regardé une pose ;
Elle était blanche comme lait
Et douce comme un agnelet,
Vermeille et fraîche comme rose.

Is sont trois cornemuseux
Qui traversent la ville,
Ramenant les épouseux
De l'église chez eux.

Les musettes qu'ont de blancs ribans,
En leur honneur entonnent,
Tous leurs vieux airs, leurs plus jolis chants
A la joi' des passants.

Les époux sont assortis,
Is sont de riche mine,
Ben pris dans leurs biaux hébits,
Chacun les applaudit.

A vous toutes vendra paré jour,
Car, mes charmantes belles,
Au mariage conduit l'amour
Chaque fille à son tour.

Is sont trois cornemuseux
Qui traversent la ville,
Proumenant les épouseux
Et la noce avec zeux.

Petit mercier, petit pannier ! 
Pourtant se je n'ay marchandise 
Qui soit du tout à vostre guise,
Ne blasmez, pource, mon mestier.

Je gangne denier à denier, 
C'est loings du tresor de Venise,
(Petit mercier, petit pannier !)
Pourtant se je n'ay marchandise.

Et tandis qu'il est jour ouvrier,
Le temps pers quant à vous devise :
Je voys parfaire mon emprise
Et par my les rues crier : 
Petit mercier, petit pannier !

Gardez le trait de la fenestre,
Amans, qui par rues passez,
Car plus tost en serez blessez
Que de trait d'arc ou d'arbalestre.

N'alez à destre ne à senestre,
Regardant, mais les yeulx bessez ;
Gardez le trait de la fenestre,
Amans, qui par rues passez:

Se n'avez medicin bon maistre,
Si tost que vous serez navrez
A Dieu soiez recommandez,
Mort vous tiens, demandez le prestre ;
Gardez le trait de la fenestre.

Tout à l'entour de nos remparts,
Les ennemis sont en furie :
Sauvez nos tonneaux, je vous prie,
Prenez plus tost de nous soudards,
Tout ce dont vous aurez envie :
Sauvez nos tonneaux, je vous prie !

Nous pourrons après, en beuvant,
Chasser nostre mélancholie : 
Sauvez nos tonneaux, je vous prie !
L'ennemi qui est ci devant,
Ne nous veut faire courtoisie.
Sauvez nos tonneaux, je vous prie !

Au moins, s'il prend nostre cité,
Qu'il n'y trouve plus que la lie :
Vuidons nos tonneaux, je vous prie !
Deussions-nous marcher de costé,
Ce bon sidre, n'espargnons mie :
Vuidons nos tonneaux, je vous prie !

[Dieu ! qu'il la fait bon]1 regarder !
La gracieuse bonne et belle ;
Pour les grans biens que sont en elle	
Chascun est prest de la loüer.

Qui se pourroit d'elle lasser ?
Tous jours sa beauté renouvelle.
[Dieu ! qu'il la fait bon]1 regarder !
La gracieuse bonne et belle !

Par deçà, ne de là, la mer
Ne sçay dame ne damoiselle
Qui soît en tous bien parfais telle.
C'est ung songe que d'i penser :
[Dieu ! qu'il la fait bon]1 regarder !

   Quant je fus prins ou pavillon
De ma dame tresgente et belle,
Je me brulay à la chandelle,
Ainsi que fait le papillon :
   Je rougiz comme vermeillon,
Aussi flambant qu'une estincelle,
Quant je fus prins ou pavillon,
De ma Dame tresgente et belle.
   Si j'eusse esté esmerillon
Ou que j'eusse eu aussi bonne aile,
Je me feusse gardé de celle
Qui me bailla de l'aiguillon
Quant je fus prins ou pavillon.

Comment se peut-il faire ainsi, 
En une seule créature 
Que tant ait de biens de nature, 
Dont chascun en est esbahy ? 

Oncques tel chief-d'euvre ne vy 
Mieulx acomply oultre mesure ;
Comment se peut-il faire ainsi
En une seule créature ? 

Mes yeulx cuiday qu'eussent manty
Quant apportèrent sa figure 
Devers mon cueur en pourtraiture :
Mais vray fut, et plus que ne dy ;
Comment se peut-il faire ainsi ? 

Au bord d'une rivière,
Turluru, turluru, tanlère !
Sont trois moulins moulant,
L'un pour le grain de pouèvre,
Turluru, turluru, tanlère.
L'autre le blé jauni.
Le dernier ne va guère :
Turluru, turluru, tanlère !
Son meunier est parti.
Parti dans les gardes du Roi.
Turluru tanlère !
Belle amour prisonière,
Turluru tanlère !
Pars en guerre avec lui.
Votre moulin, péchère,
Turluru tanlère !
Ne sais quand tournera.