Méditations pour le Carême

Desolatione desolata est terra quia nullus est qui recogitet corde.
Super omnes vias deserti venerunt vastatores quia gladius domini 
devorabit ab extremum terrae usque ad extremum ejus.
Non est pax universae carni, seminaverunt triticum et messuerunt spinas.
Confundemini a fructibus vestris propter iram furoris domini.

Sicut pullus hirundinis sic clamabo. 
Meditabor ut columba.
Attenuati sunt oculi mei suscipientes in excellum.
Recogitabo tibi omnes annos meos in amaritudine animae meae.
Domine si sic vivitur et in talibus vita spiritus mei, 
corripies me et vivificabis me.
Ecce in pace amaritudo mea amarissima.

Tristis est anima mea usque ad mortem: 
sustinete hic, et vigilate mecum: 
nunc videbitis turbam, quæ circumdabit me: 
Vos fugam capietis, et ego vadam immolari pro vobis.
 ... 

Ecce Judas, unus de duodecim, 
et cum eo turba multa venit deditque illis signum dicens:
«Quem cumque osculatus fuero, ipse est, tenete eum». 
Et osculatus est Jesum et dixit illi Jesus:
«Amice, ad quid venisti, o Juda, 
filium hominis osculo tradis».
Et manus injecerunt in Jesum et tenuerunt eum.
Vae homini illi qui sanguinem justum qui filium hominis tradidit 
in manus peccatorum, vae homini illi.
Bonum erat ei si natus non fuisset.

Cum caenasset Jesus et dedisset discipulis 
suis corpus suum ad manducandum et sanguinem
suum ad bibendum, exierunt simul in montem Oliveti et ait illis:
«Omnes vos scandalum patiemini in me in ista nocte.
Scriptum est enim: Percutiam pastorem et dispergentur oves gregis».
Tunc Petrus ait illi: «Et si omnes scandalizati 
fuerint in te, nunquam ego scandalizabor».
«Amen, dico tibi Petre quia in hac nocte, 
antequam gallus cantet, ter me negabis.»
«Ah! Domine etiam si oportuerit me mori tecum, non te negabo.»
Cum autem duceretur Jesus ad principem sacerdotum 
sequebatur eum Petrus a longe usque in atrium pontificis,
tunc pervidixerunt ei: 
«Numquid est tu ex discipulis hominis istius es».
«O mulier, non sum, non novi hominem.»
«Vere et tu de ileis et loquela tua manifestum te facit.»
«O homo non sum neque novi quid dicis.»
«Vere tu eras cum Jesu nazareno.»
«Non eram neque scio quid dicitis, non novi hominem.»
Adhuc eo loquente gallus cantavit. 
Et recordatus est Petrus verbi quod dixit ei Jesus,
et egressus foras flevit amare.

Quaerebat Pilatus dimittere Jesum, 
nullam enim mortis causam invenerat in eo.
Judaei autem clamabant dicentes:
«Si hunc dimittis non es amicus Caesaris, 
enim qui se regem facit contradicit Caesari».
«Quid ergo vultis faciam regi Judeorum.»
«Tolle crucifige eum.»
«Regem vestrum crucifigam ?»
«Non habemus regem nisi Caesarem.»
«Quid enim mali fecit ?»
«Tolle crucifige eum.»
Videns autem Pilatus quia nihil proficeret, 
accepta aqua, lavit manus coram populo dicens:
«Innocens ego sum a sanguine justi ejus, vos videritis.»
«Sanguis ejus super nos et super filios nostros.»
Tunc Pilatus tradidit eis Jesum flagellatum ut crucifigeretur.
Et quasi agnus innocens ductus est ad immolandum.

Tenebrae factae sunt, dum crucifixissent Jesum Judaei.
Obscuratus est sol et velum templi scissum 
est medium a summo usque deorsum
et circa horam nonam exclamavit Jesus voce magna dicens :
«Deus meus, ut quid dereliquisti me ?»
Currens autem unus de circumstantibus implens
spongiam aceto circumponensque calamo potum dabat ei dicens:
«Sinite videamus si veniat Elias ad deponendum eum».
Jesus autem iterum clamans voce magna sic ait:
«Pater, in manus tuas commendo spiritum meum».
Et haec dicens expiravit.

Stabat mater dolorosa 
juxta crucem lacrimosa 
dum pendebat filius, 
cujus anima gementem,
contristantem et dolentem 
pertransivit gladius.
O quam tristis et afflicta 
fuit illa benedicta 
mater unigeniti.
Quae maerebat et dolebat 
et tremebat dum videbat 
nati paenas inclyti.
Quis est homo qui non fleret 
Christi matrem si videret 
in tanto supplicio.
Quis posset non contristari 
piam matrem contemplari 
dolentem cum filio.

Sola vivebat in antris Magdalena lugens 
et suspirans die ac nocte voce gementi Christo dicebat:
«O amor meus cor et delicium quid retribuam amori tuo, 
qui te tradidit in mundi pretium.
Ah ! Jesu mi dulcissime, ah! Jesu mi patientissime.
Ego peccatrix tu culpa carens, 
ego soluta et inpunis tu tanquam reus, duceris ad supplicium.
Heu! Clavis et lancea perforatur in ara crucis elevatur 
et moritur ipsa vita pro salute viventium.»

Tentavit Deus Abraham et dixit ad eum: «Abraham.»
«Adsum Domine.»
«Tolle filium tuum unigenitum quem diligis Isaac 
et super unum montium quem monstravero tibi offeres eum in holocaustum.»
Igitur Abraham de nocte consurgens abiit ad locum quem praeceperat ei Deus
et imposuit super Isaac holocausti ligna ipse vero 
portabat in manibus ignem et gladium.
Cumque duo simul pergerent dixit Isaac patri suo:
«Pater mi.»
«Quid vis fili ?»
«Ecce ligna gladius et ignis ubi est victima ?»
«Fili mi.»
«Quid suspiras Pater?»
«Fili unigenite.»
«Pater dilecte ecce ligna gladius et ignis ubi est victima ?»
«Fili mi unigenite providebit sibi Deus holocausti victimam.»
Et venerunt ad locum quem ostenderat ei Deus cumque alligasset Isaac posuit eum
super altare et extendens manum arripuit gladium ut immolaret filius suum.