Mélodies, recueil 2

Je ne sais comment je dure ;
Car mon dolent cœur fond d’ire,
Et plaindre n’ose, ni dire
Ma douloureuse aventure,

Ma dolente vie obscure,
Rien, hors la mort, ne désire ;
Je ne sais comment je dure.

Et me faut par couverture
Chanter quand mon cœur soupire,
Et faire semblant de rire ;
Mais Dieu sait ce que j’endure ;
Je ne sais comment je dure.

Allons nous ébattre,
Mon coeur, vous et moi !
Laissons, à part soi,
Souci se combattre.

Toujours veut débattre,
Et jamais n'est coi :
Allons nous ébattre,
Mon coeur, vous et moi !

On vous devrait battre,
Et montrer au doigt,
Si dessous sa loi
Vous laissez abattre.
Allons nous ébattre
Mon coeur, vous et moi !

Puis çà, puis là 
Et sus et jus,
De plus en plus
Tout vient et va.

Tous on verra,
Grans et menus :
Puis çà, puis là
Et sus et jus.

Vieulx temps desjà 
S'en sont courrus,
Et neufz venus,
Que dea, que dea,
Puis çà, puis là.

En regardant ces belles fleurs
Que le temps nouveau d'amours prie,
Chascune d'elle s'ajolie,
Et farde de plaisans couleurs;
Tant embasmées sont de odeurs
Qu'il n'est cueur qui ne rajeunie.
En regardant ces belles fleurs
Que le temps nouveau d'amours prie.

Les oyseaulx deviennent danseurs
Dessus mainte branche fleurie,
Et font joyeuse chanterie,
De contres, des chans et teneurs.
En regardant ces belles fleurs
Que le temps nouveau d'amours prie.

[Dictes-moy où, n’en]1 quel pays,
Est Flora, la belle Rommaine ;
Archipiades, ne Thaïs,
Qui fut sa cousine germaine ;
Echo, parlant quant bruyt on maine
Dessus rivière ou sus estan,
Qui beauté ot trop plus qu’humaine.
Mais où sont les neiges d’antan !

Où est la très sage Helloïs,
Pour qui fut chastié et puis moyne
Pierre Esbaillart à Saint-Denis ?
Pour son amour ot cest essoyne.
Semblablement où est la royne
Qui commanda que Buridan
Fust geté en ung sac en Saine ?
Mais où sont les neiges d’antan !

La royne Blanche comme lis,
Qui chantoit à voix de seraine,
Berte au grant pié, Biétris, Allis ;
Haremburgis qui tint le Maine,
Et Jehanne, la bonne Lorraine,
Qu’Englois brulèrent à Rouan ;
Où sont-ilz, Vierge souveraine ?
Mais où sont les neiges d’antan !

Envoi
Prince, n’enquérez de sepmaine
Où elles sont, ne de cest an,
Que ce reffrain ne vous remaine :
Mais où sont les neiges d’antan !

Je suis aymé de la plus belle,
Qui soit vivant dessoubz les Cieulx:
Encontre tous faulx Envieulx
Je la soustiendray estre telle.
Si Cupido doulx, et rebelle
Avoit desbendé ses deux yeux,
Pour veoir son maintien gracieux,
Je croy qu'amoureux seroit d'elle.
Venus la Deesse immortelle
Tu as faict mon cueur bien heureux,
De l'avoir faict estre amoureux
D'une si noble Damoyselle.

Dedans Paris, ville jolie 
Un jour, passant mélancolie, 
Je pris alliance nouvelle 
A la plus gaie demoiselle 
Qui soit d'ici en Italie. 

D'honnêteté elle fut saisie, 
Et crois _ selon ma fantaisie _ 
Qu'il n'en est guère de plus belle 
Dedans Paris. 

Je ne vous la nommerai mie, 
Sinon que c'est ma grande amie, 
Car l'alliance se fit telle, 
Par un doux baiser que j'eus d'elle 
Sans penser aucune infamie 
Dedans Paris.

Qui dira ma robe fourrée 
De la belle pluie dorée,
Qui Daphnes enclose esbranla : 
Je ne sçay rien moins, que celà.

Qui dira, qu'à plusieurs je tens 
Pour en avoir mon passetemps,
Prenant mon plaisir çà, et là : 
Je ne sçay rien moins, que celà.

Qui dira, que t'ay revelé 
Le feu long temps en moi celé 
Pour en toy veoir si force il a : 
Je ne sçay rien moins, que celà.

Qui dira, que d'ardeur commune,
Qui les Jeunes gentz importune, 
De toy je veulx, et puis holà:
Je ne sçay rien moins, que celà.

Mais qui dira, que la Vertu, 
Dont tu es richement vestu, 
En ton amour m'estincelà : 
Je ne sçay rien mieux, que celà.

Mais qui dira que d'amour saincte 
Chastement au cueur suis attaincte, 
Qui mon honneur onc ne foulà : 
Je ne sçay rien mieux, que celà.

Heureuse est la peine
De qui le plaisir
A sur foy certaine 
Assis son desir.

L'on peult assés en servant requerir,
Sans toutesfois par souffrir acquerir
Ce, que l'on pourchasse
Par trop desirer,
Dont en male grace
Se fault retirer.

Car un tel service 
Ne pretend qu'au poinct,
Qui par commun vice
L'honneur picque, et poinct.

Et ce travail en fumée devient 
Toutes les fois, que la raison survient,
Qui tousjours domine
Tout cueur noble, et hault,
Et peu à peu mine
Le plaisir, qui fault.

Mais l'attente mienne
Est le desir sien,
D'estre toute sienne,
Comme il sera mien.

Car quand Amour à Vertu est uny,
Le cueur conçoit un desir infiny,
Qui tousjours desire
Tout bien hault, et sainct,
Qui de doulx martire
L'environne, et ceinct.

Car il luy engendre
Une ardeur de veoir,
Et tousjours apprendre
Quelque hault sçavoir.

Le sçavoir est ministre de Vertu,
Par qui Amour vicieux est batu,
Et qui le corrige,
Quand dessus le cueur 
Par trop il se erige
Pour estre vainqueur.

C'est pourquoy travaille 
En moy cet espoir,
Qui desir me baille
Et veoir, et sçavoir.

Estant ainsi mon espoir asseuré,
Je ne crainct point, qu'il soit demesuré :
Mais veulx bien qu'il croisse
De plus en plus fort,
A fin qu'apparoisse
Mon cueur ferme, et fort.

Et que tousjours voye,
Travaillant ainsi,
Tenir droict la voye
D'immortel soucy.

Si donc il veult en si hault lieu monter,
Qu'il puisse Amour, et la Mort surmonter,
Sa caducque vie
Devra soulager
D'une chaste envie
Pour l'accourager.

Ainsi m'accompaigne
Un si hault desir
Que pour luy n'espargne
Moy, ne mon plaisir.

Le ciel est, par-dessus le toit,
  Si bleu, si calme !
Un arbre, par-dessus le toit,
  Berce sa palme.

La cloche, dans le ciel qu'on voit,
  Doucement tinte.
Un oiseau sur l'arbre qu'on voit
  Chante sa plainte.

Mon Dieu, mon Dieu, la vie est là
  Simple et tranquille.
Cette paisible rumeur-là
  Vient de la ville.

Qu'as-tu fait, ô toi que voilà
  Pleurant sans cesse,
Dis, qu'as-tu fait, toi que voilà,
  De ta jeunesse ?

L'anèmone et l'ancolie
Ont poussé dans le jardin
Où dort la mélancolie
Entre l'amour et le dédain

Il y vient aussi nos ombres 
Que la nuit dissipera 
Le soleil qui les rends sombres
Avec elles disparaîtra

Les déïtés des eaux vives
Laissent couler leurs cheveux
Passe il faut que tu poursuives
Cette belle ombre que tu veux

J'ai cueilli ce brin de bruyère
L'automne est morte souviens-t'en 
Nous ne nous verrons plus sur terre
Odeur du temps brin de bruyère
Et souviens-toi que je t'attends